പഴം പുരാണത്തിൽ
പഴം കാണാതെ,
പഴം കഞ്ഞിയിൽ
പഴം കാണാതെ,
പഴയതെല്ലാം ഉപേക്ഷിച്ചു-
പഴം തേടി ക്ഷീണിച്ച്‌,
തമിഴന്റെ കോലായിൽ,
കമിഴ്‌ന്ന് വീണ്‌ യാചന!
തമിഴന്റെ കണ്ണുരുട്ടൽ!
അതിർത്തിയിലേക്കോടി,
വീണ്ടും യാചന!
പശുവില്ലാതെ പാൽ കറന്ന,
തമിഴന്റെ ശതമാന പുഞ്ചിരി,
നൂറ്‌ തികയ്ക്കവേ,
വായിലും വയറ്റിലും
നിറഞ്ഞൊഴുകി,
ചുണ്ടിലൂർന്ന്,
കവറിലെ പാൽ കണ്ട്‌,
കുരുന്നിൻ മന്ത്രണം,
"തമിഴൻ പാൽ തരും!"
മലയാള നാട്ടിൽ,
അറിയാതെ,
അറിയിക്കാതെ,
ചിത്രത്തിലെ പശു
വീണ്ടും പുല്ലു തിന്നു,
പാൽ ചുരത്തി!
പുറത്തെപശു വീണ്ടും
പാലിനായ്‌ യാചന!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ