1) ആയിരം കുറ്റവാളികൾ രക്ഷപ്പെട്ടാലും ഒരു നിരപരാധിയും ശിക്ഷിക്കപ്പെടരുത്‌!എന്ന് വിളിച്ചു പറയുന്ന നാട്ടിൽ:
"അയാൾ ധനവാനാണത്രേ!.. ഇന്നല്ലെങ്കിൽ നാളെ ചോദ്യം ചെയ്തേക്കും!..ക്രൂരമായ ചോദ്യം ചെയ്യലിൽ അയാൾ വിയർക്കും! പോലീസുകാർ എടുത്തു കുടയും.."-പത്രവാർത്ത!
.. തുറന്നിട്ട ചെറിയ വെന്റിലേറ്ററിൻ വിടവിലൂടെ പറന്നു വന്നിരുന്ന കാക്ക അതു കണ്ടു കൊണ്ടിരുന്നു..
ഏമാൻ:- ഒന്നിവിടം വരെ!..
ധനവാൻ:- ങാ.. വന്നേക്കാം ..ഈ പാവപ്പെട്ടവൻ!.എന്നാൽ അന്വേഷണം മുറപോലെ...
ഏമാൻ:- എന്താ സാറെ സുഖമല്ലേ?
ധനവാൻ:- ആണേ!..താങ്കളുടെ കൃപ കൊണ്ട്‌!.
ഏമാൻ :- ഭാര്യയ്ക്കും കുട്ട്യോൾക്കും?
ധനവാൻ:- സുഖം! ഇങ്ങനെ കഴിഞ്ഞു പോകുന്നു.
ഏമാൻ:- ബിസിനസ്സൊക്കെ?
ധനവാൻ:- ഒരു വിധം ഒത്തു പോകുന്നു!
ഏമാൻ :- ഒന്നിവിടം വരെ വരുത്തിയതിൽ വിഷമമില്ലല്ലോ?..ല്ലേ.. എന്നാൽ പോയ്ക്കോളൂ!
ധനവാൻ:- സാരമില്ല!...നീതി പീഠത്തിനു മുന്നിൽ എല്ലാവരും തുല്യരല്ലേ എന്റെ സാറന്മാരെ..!ഏമാൻ:- നമ്മൾക്കും പച്ചരി വാങ്ങണമെന്നത്‌ മറക്കണ്ടാ ..ട്ടോ?.. എന്നാൽ ശരി.. ഞാൻ ക്രൂരമായി ചോദ്യം ചെയ്ത കഥകൾ എഴുതിപ്പിടിപ്പിച്ചോളാം!
ധനവാൻ:- അതു പിന്നെ മറക്ക്വോ?
പത്രക്കാരോട്‌ ധനവാൻ, പോലീസ്‌ നീതി പാലിക്കേണ്ടതുണ്ട്‌.. എന്നാലും കർക്കശമായ ചോദ്യം ചെയ്യൽ! ഇതിനെതിരെ ശക്തമായി പ്രതികരിക്കേണ്ടതുണ്ട്‌!.
---------------------
പാവപ്പെട്ടവനെ ചോദ്യം ചെയ്യുന്നു..
ഏമാൻ :-എടാ നിൽക്കെടാ ..കാലമാടാ...അവിടെ?
പാവപ്പെട്ടവൻ:- എന്താ സാറേ കാര്യം?
ഏമാൻ: എവിടെയാടാ പോയിട്ട്‌ വരുന്നത്‌ @#@#%%%?
പാവപ്പെട്ടവൻ: കൃഷിയിടത്തിലാ സാറേ?
ഏമാൻ: തന്നോടാരു പറഞ്ഞു കൃഷിയിറക്കാൻ @#$#%%%@@@?
പാവപ്പെട്ടവൻ:- ആരും പറഞ്ഞില്ല!.. ജീവിക്കാനാണേ..
ഏമാൻ: തന്നോടാരു ജീവിക്കാൻ പറഞ്ഞു...@#@$@### @.കേറടാ വണ്ടിയിൽ!... ഇവനെ ഒടിച്ചു മടക്കി വണ്ടിയിൽ കയറ്റ്‌!
ഏമാൻ: വീട്ടിൽ ആരൊക്കെയുണ്ടെടാ@ # @$$?
പാവപ്പെട്ടവൻ:- ഭാര്യയും രണ്ടു മക്കളും!
ഏമാൻ:- പറഞ്ഞിട്ടാണോടാ വന്നത്‌ @#@%##@ ?
എട്ടും പൊട്ടും തിരിയാത്ത പാവപ്പെട്ടവൻ ഭയപ്പെട്ട്‌ ടെൻഷനടിച്ച്‌ നിൽക്കുന്നു..
ഏമാൻ:- എന്നിട്ടേന്തെടാ പറയാൻ താമസം@#@#@@?
കോൺസ്റ്റബിൾ...കോൺസ്റ്റബിൾ... നിനക്ക്‌ ജിംനാസ്റ്റിക്കിലൊക്കെ പോയത്‌ പരീക്ഷിക്കാൻ ആളെ കിട്ടിയിട്ടുണ്ട്‌!.നിന്റെ കൈത്തരിപ്പ്‌ തീർത്തോളൂ... ഇടിച്ച്‌ നിരത്തിക്കോ?..കേസു കെട്ടുകൾ ഒരു പാട്‌ തെളിയാനുണ്ട്‌!
പാവപ്പെട്ടവൻ:- അതിനു ഞാനൊന്നും ചെയ്തിട്ടില്ലേ?
ഏമാൻ:- നീയ്യാണോടാ തീരുമാനിക്കുന്നത്‌??ഇത്രയൊക്കെ ചെയ്തത് പോരെടാ @#@#$$@@@?...ബാക്കി ചെയ്യിക്കാൻ ഞങ്ങൾക്കറിയാം!..പാവപ്പെട്ടവന്റെ നടുവൊടിയുമ്പോൾ. ഏമാൻ മൊഴി രേഖപ്പെടുത്തുന്ന തിരക്കിലായിരുന്നു!.. ചിലപ്പോൾ നാളെ ലോക്കപ്പ്‌ മർദ്ദന മരണം പത്രത്താളിൽ വരും.. ഒത്താൽ ഒത്തു ഇല്ലെങ്കിൽ കുറ്റം ചെയ്ത പാപത്താൽ കുറ്റബോധം വന്ന് നാണക്കേട്‌ കൊണ്ട്‌ തനിയെ മരണം!
2) വകുപ്പ്‌ തലത്തിൽ:
-------------------------
ഓഫീസർ:- നികുതിയടച്ചോ?
ധനവാൻ : ഇല്ല ഈയുള്ളവൻ പാവപ്പെട്ടവനാ..
ഓഫീസർ:- എത്ര നാളത്തെ?
ധനവാൻ:- 30 വർഷത്തെ!
ഓഫീസർ:- എപ്പോഴെങ്കിലും അടക്കാൻ വകുപ്പുണ്ടോ?
ധനവാൻ: ശ്രമിക്കാം!
ഓഫീസർ:- നമ്മളുടെ കാര്യം ശ്രമിച്ചാൽ പോര കേട്ടോ?.. നടക്കണം!
ധനവാൻ:- അതു പിന്നെ പറയണോ?
ഓഫീസർ: എങ്കിൽ ശരി!.. പോയ്ക്കോളൂ!
പാവപ്പെട്ടവൻ!
-----------------
ഓഫീസർ: നികുതിയടച്ചോ?..
പാവപ്പെട്ടവൻ: ഇല്ല!
ഓഫീസർ:- എത്രമാസത്തെ?
പാവപ്പെട്ടവൻ: 4 മാസത്തെ!
ഓഫീസർ:- ഇനിയും അടച്ചില്ലെങ്കിൽ വീട്‌ ജപ്തി ചെയ്യും .. മറക്കേണ്ട... പിന്നെ കണ, കുണ പറഞ്ഞിട്ട്‌ കാര്യമില്ല... സർക്കാറിലേക്കുള്ള വകയാ.. അല്ലാതെ എന്റെ വീട്ടിലേക്കല്ല.. അതിനാൽ എന്റെ കാലു പിടിച്ചിട്ട്‌ കാര്യമില്ല!.. ഒന്നും പറയേണ്ട.. ഉടനേ അടയ്ക്കണം!.. ഓ.. ക്കേ..
പാവപ്പെട്ടവൻ: ഊവ്വ്‌ സാറെ!.. നോക്കട്ടേ !
ഓഫീസർ: നോക്കിയത്‌ കൊണ്ട്‌ ആയില്ല.. നോക്കീം കണ്ടും ഇരുന്നാൽ വീട്‌ ജപ്തിയാകാതെ നോക്കാം..
ഇലറ്റ്ക്ട്രിക്‌ ഓഫീസിൽ:-
ഓഫീസർ:- എത്രകാലത്തെ കുടിശ്ശികയുണ്ട്‌!
ധനവാൻ:- 1975 മുതലുള്ളത്‌?
ഓഫീസർ: ഇപ്പോഴെങ്ങാൻ അടയ്ക്കുമോ?.. ഒരു പാട്‌ ലക്ഷമായല്ലോ സാറെ?
ധനവാൻ:- നോക്കട്ടേ .. വേണമെങ്കിൽ ഒന്നോ രണ്ടോ മാസത്തേത്‌ അടയ്ക്കാം!
ഓഫീസർ: അതു മതി അതു മതി... എന്റെ ഓഹരിക്കാര്യം?
ധനവാൻ:- അതെന്താ സാറെ.. നമ്മളെ ഇത്രകാലമായിട്ടും ഒരുസംശയം?.. ഇന്നു തന്നെ കൊടുത്തയക്കാം!
ഓഫീസർ:- എങ്കിൽ ശരി!.. പറഞ്ഞെന്നേയുള്ളൂ കേട്ടോ..സർക്കാറിനു പൈസകെട്ടുന്നതിൽ അത്ര ധൃതിയൊന്നുമില്ല.. !
പാവപ്പെട്ടവൻ!
------------------
ഓഫീസർ: നികുതിയടച്ചില്ല അല്ലേ?
പാവപ്പെട്ടവൻ:- ഇല്ല രണ്ടു മാസത്തെ!
ഓഫീസർ:- ഈ നക്കാ പിച്ച കാശ്‌ അടയ്ക്കാൻ തനിക്ക്‌ കഴിയില്ലേ?
പാവപ്പെട്ടവൻ:- കുറച്ച്‌ വിഷമം ഉണ്ടായത്‌ കൊണ്ടാണേ..
ഓഫീസർ:- ഇത്‌ സർക്കാറിന്റെ ഖജനാവിലേക്കാ.. എന്റെ വീട്ടിലേക്കല്ല.. ഇരുട്ടിൽ ഇരിക്കുമ്പോൾ പഠിച്ചോളും!
പാവപ്പെട്ടവൻ:- ചതിക്കല്ലേ സാറെ!.. കുട്ടികൾ എസ്‌. എസ്‌ .എൽ സിയാ..പഠിക്കുന്നത്‌!!ഓഫീസർ:- എന്തു "സീ" പഠിച്ചാലും എനിക്ക്‌ കൊഴപ്പമില്ല..എടോ...എല്ലാവരും ഇതു തന്നെയാ പറയാറ്‌... എനിക്കെന്തു ചെയ്യാൻ പറ്റും!.. ഗവർമന്റിന്റെ ഓർഡറാ.!..... എടോ നാരായണാ.. ഈയ്യാളുടെ വീട്ടിന്റെ കറന്റ്‌ കട്ട്‌ ചെയ്തേക്ക്‌!... ഇരുട്ടിൽ ഇരിക്കുമ്പോൾ പഠിച്ചോളും!
ഇരുട്ടിൽ ഇരിക്കുമ്പോൾ പഠിച്ചോളും
മറുപടിഇല്ലാതാക്കൂ.എഴുതാനറിയില്ലെങ്കിലും വിഡ്ഡിത്തമെഴുതി, വിടുവായത്തം വിളിച്ചു പറയുന്ന ഒരു ഭ്രാന്തനാമെന്നെ ശ്രദ്ധിച്ചു അല്ലേ?..വരവൂരാൻ . വളരെ നന്ദിയുണ്ട്‌..
മറുപടിഇല്ലാതാക്കൂ