ഓർക്കുന്നു മലയുടെ കീഴ്‌വാരത്ത്‌ ഒരു ബോർഡുണ്ടായിരുന്നു..
"സൂക്ഷിക്കണം വന്യമൃഗങ്ങളുണ്ട്‌! .. വന്യമൃഗങ്ങളെ ഉപദ്രവിക്കരുത്‌!"
ഓർക്കുന്നു കുറച്ചു ദൂരെയായി മറ്റൊരു ബോർഡുണ്ടായിരുന്നു
"സൂക്ഷിക്കുക .. ചെങ്കുത്തായ പാത!"
ഓർക്കുന്നു വീണ്ടും പണ്ടു കണ്ട മറ്റൊരു ബോർഡ്‌:
"സൂക്ഷിക്കണം... വളവുണ്ട്‌!"
ഇന്നലെ ആ സ്ഥലത്ത്‌ ഒരു ബോർഡേ ഉണ്ടായിരുന്നുള്ളൂ..ആ ബോർഡിൽ ഇങ്ങനെയേ ഉണ്ടായിരുന്നുള്ളൂ
"ചരിത്രം.. ഇവിടെ ഒരു മലയുണ്ടായിരുന്നു!മലയിൽ കിളികളും മൃഗങ്ങളും ഉണ്ടായിരുന്നു..ശാപം കൊണ്ട അവരെ നാട്ടു രാജാക്കന്മാർ ചുട്ടു തിന്നു..മലയെ സമതലമാക്കി!"
ഇന്നത്തെ മഴവെള്ളപ്പാച്ചിലിൽ ആ ബോർഡും ഒഴുകിപ്പോയി!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ