പേജുകള്‍‌

വെള്ളിയാഴ്‌ച, ഓഗസ്റ്റ് 13, 2010

എന്തു കൊണ്ട്‌ ഞാൻ വെജിറ്റേറിയനായി മാറി!

ഞാൻ മൽസ്യങ്ങളുടെ അരികെ ചെന്നു.. അവരുടെ രക്തം ചുവപ്പായിരുന്നു.
.ഫൂളിഷ്‌ ഗേയ്സ്‌!

ഞാൻ കോഴിയുടേയും താറാവിന്റെയും ആടിന്റെയും ഒക്കെ അരികെ ചെന്നു..അവരുടെ രക്തത്തിനും നിറം ചുവപ്പായിരുന്നു.

.സ്റ്റുപിഡ്സ്‌!

"എന്റെ രക്തം ചുവപ്പും നിങ്ങളുടെ രക്തം പച്ചയോ, മഞ്ഞയോ മറ്റോ ആയിരുന്നെങ്കിൽ ഞാൻ നിങ്ങളെ കൊന്നു തിന്നേനെ" - ചങ്കിടിപ്പോടെ നിന്ന അവരെ വിഷമത്തോടെ സമാധാനിപ്പിച്ച്‌ ഞാൻ പറഞ്ഞു..

"നിങ്ങളുടെ രക്തം ചുവപ്പും എന്റേത്‌ മറിച്ചും ആയാലും അങ്ങനെ സംഭവിച്ചേനെ"- ഉദ്വേഗത്തോടെ അവർ കേട്ടിരിക്കണം..

ഇതിപ്പോൾ എന്റെ രക്തത്തിന്റെ നിറവും പേറി നടക്കുന്ന നിങ്ങൾ എന്റെ ബന്ധുക്കളല്ലാതെ മറ്റാരാണ്‌!-- അവർക്കാശ്വാസമായി കാണണം!

അതു കൊണ്ട്‌ തന്നെയാണ്‌ ഞാൻ പച്ച രക്തമുള്ള സസ്യങ്ങളേയും, മഞ്ഞ രക്തമുള്ള പഴങ്ങളേയും ഒക്കെ തിരഞ്ഞു പിടിച്ചു കൊന്ന് വിശപ്പടക്കുന്നത്‌!..

" അവർ എന്നെ ശപിക്കുന്നുണ്ടാകുമോ?... .. എന്റെ നല്ലവനായ ദൈവമേ.. എന്നോട്‌ പൊറുക്കേണമേ!.. അവരോട്‌ ക്ഷമിക്കാൻ പറയണമേ.."

എന്റെ പ്രസംഗം കേട്ട്‌ എന്നെ മനസ്സിലാക്കാത്ത ആരോ ഉച്ചത്തിൽ വിളിച്ചു പറഞ്ഞു.." മുഴു ഭ്രാന്തൻ !"-- ഞാൻ തിരിച്ചും പറഞ്ഞു!.... " മന്ദ ബുദ്ധി! ഇത്രയും പറഞ്ഞിട്ടും മനസ്സിലാക്കാത്ത ചിന്താ ശൂന്യരായ വഹകളുണ്ടോ?."

എന്നെ ഒറ്റയെക്ക്‌ മേയാൻ വിട്ടിട്ട്‌.. നായാട്ട്‌ നടത്താൻ വേണ്ടി എല്ലാവരും പിരിഞ്ഞു പോയിരുന്നു. ക്രൂരന്മാർ!

ഞാൻ വെറുതെ വിട്ടവരൊക്കെ അവരുടെ കത്തിക്കിരയായി കാണണം.. അവരുടെ ചട്ടിയിൽ പിടഞ്ഞു മരിച്ചു കാണണം ..ഇപ്പോൾ ദഹിച്ചും കാണും.. വെറുതെ ഞാൻ അവർക്കായി ഒരിറ്റു കണ്ണീർ വാർത്തു..അവരുടെ ആത്മശാന്തിക്കെങ്കിലും അതുതകട്ടേ

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ