1) സൂക്ഷിച്ചോളൂ..ട്ടോ!
-------------------------------
ജാഗരൂകരാകേണമെന്നുമീ-
പള്ളികൂടയങ്കണത്തിലും,
ശ്രദ്ധയെ കടമെടുത്ത്‌-
മൂത്രം പോലുമൊഴിക്കുക!
=====================
2) നാളെയാണ്‌.. നാളെയാണ്‌!
---------------------------------------
പവിത്രമീ ജീവിതമെന്നോതി-
യൊരുമിച്ച്‌ മാലചാർത്തി ചിരിച്ചവർ,
കളങ്കമീ ജീവിതമെന്നോതി-
വിഘടിച്ചു കാർക്കിച്ചു കൂട്ടി വെച്ചു,
തുപ്പുമ്പോൾ കോളാമ്പി നീട്ടി
ചാനലും പത്രവും,
കനമില്ലാത്ത തുപ്പലിൽ
ഏങ്ങി കരഞ്ഞ പ്രോഗ്രാമുകൾ,
തൊണ്ടപൊട്ടി കരഞ്ഞും
ആസ്വദിച്ചും വെറുത്തും,
ആസ്വാദകർ!
==========================
3) സംഘടിച്ച്‌ ശക്തരായവർ:-
-----------------------------------
സംഘം ചേർന്ന് കുടിച്ചവരിന്നലെ,
സംഘം ചേർന്ന് മദിച്ചു,
സംഘം ചേർന്ന് രമിച്ചവരിന്ന്,
സംഘം ചേർന്ന് വെട്ടികൊല!
=============================
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ