അല്ലയോ റിയലെസ്റ്റേറ്റുകാരാ,
നമുക്കീ നഗരത്തെ മോടിയാക്കണം,
നഗരത്തിൻ ശോഭകെടുത്തും,
മൊട്ട മല വേരറുത്തവിടെ
എവറസ്റ്റ്‌ പണിയണം!
എന്ത്‌ പക്ഷികളുണ്ടെന്നോ?
നല്ല മുളകരച്ചു കറി കൂട്ടി,
ശ്രാദ്ധമുണ്ട കൈമണം,
മാറ്റിയ കാലമെത്രയായി!
എന്ത്‌ മൃഗങ്ങളെന്നോ?
തോലെടുത്ത്‌ മമ്മിയാക്കി-
പ്രദർശനം വർഷങ്ങളായല്ലോ?
പാപം നുരച്ചു പൊങ്ങും,
കറുത്ത ഹലുവ പുഴകളുണ്ടല്ലോ?
വേരോടെ പിഴുതെടുത്ത,
മൊട്ടമല അവയ്ക്ക്‌
മോക്ഷമേകുമല്ലോ?
നമുക്കിനി പുഴയുടെ ചിത്രം മതി,
നമുക്കിനി മലയുടെ തെർമോകോൾ
രൂപം മതി!
വെക്കുന്നു മൊബൈലിൽ,
പൈസയില്ല,
പണി ഉടൻ തുടങ്ങട്ടേ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ