പേജുകള്‍‌

തിങ്കളാഴ്‌ച, മേയ് 09, 2011

കൊതിയൻ!

ഹേയ്യ്‌?
എന്തിനാണ്‌ നീയെന്നെ കാർന്നു തിന്നുന്നത്‌?
ചിന്തകൾ രുചിച്ച്‌,
തലച്ചോറുകൾ ഭക്ഷിച്ച്‌,
ധമനികളിലൊളിപ്പിച്ചതും നുകർന്ന്,
നിൻ വിശപ്പടങ്ങുമ്പോൾ ഞാനാരാകും?

പരിചിതരാണെന്ന് നടിച്ച്‌,
എന്നടുത്തെത്തുന്നവരെ,
എങ്ങിനെ തിരിച്ചറിയും?
അവർ വിളിക്കുമ്പോൾ ഞാനെന്റെ
പേരെങ്ങിനെ ...?
ചിന്തകൾ ഇനിയെവിടെ കുഴിച്ചിടും!

മാന്തിയെടുക്കപ്പെട്ട ഓർമ്മകളിൽ,
നീ കാർന്നു തിന്ന പാടുകൾ!
എന്നിട്ടും ആർത്തിമൂത്ത്‌...
തിന്നു തിന്ന്...
ദേ...നോക്കിയേ..നിന്നോടാണ്‌,
..ഛേ ..നിന്റെ പേര്‌..!
ഞാനെന്താണിപ്പോൾ.......?

2 അഭിപ്രായങ്ങൾ: