പേജുകള്‍‌

ചൊവ്വാഴ്ച, മേയ് 10, 2011

വിജയം

എന്നും സ്വീകരണം പുഞ്ചിരിയിലായിരുന്നു..
വിശേഷങ്ങൾ ചോദിച്ചും,
സങ്കടച്ചാലുകൾക്ക്‌ ദിശകാട്ടിയും!
തിരിഞ്ഞു നോക്കിയത്‌,
അണപ്പല്ല്ലമരുന്ന ശബ്ദം കേട്ടപ്പോഴാണ്‌.
മയങ്ങി വീണപ്പോൾ,
പൊട്ടിച്ചിരികൾ ചിതറി തെറിക്കുന്നത്‌ ആരോ കേൾപ്പിച്ചു,
മിഴികൾ മെല്ലെ തുറന്നപ്പോൾ,
തെളിഞ്ഞു കണ്ടു..!
നേർത്ത ശബ്ദ തരംഗങ്ങൾ,
കാതുകളെ പരസ്പരം ഉമ്മവെക്കുന്നു..
"ചതിച്ചവരെ വിശ്വസിക്കില്ല...
വിശ്വസിച്ചവരെ ചതിക്കില്ല...."
വെള്ളാട്ടത്തിന്റെ വാക്കുകൾ!

അടിതെറ്റിയത്‌ പടയിലല്ല,
വിശ്വാസത്തിന്റെ നീരൊഴുക്കിലാണ്‌!
മുറിവുകൾ ശരീരത്തിലല്ല,
ഏച്ചു കെട്ടിയ ബന്ധങ്ങളിലാണ്‌!

മനസ്സിന്റെ അണപൊട്ടിയ രക്തം,
വിളറി വെളുത്ത്‌ കൺകളിലൂടെ താഴേക്ക്‌!
തിരിച്ചറിവു തന്നെ ഏറ്റവും വലിയ ജയമാണ്‌!
പടയിൽ നിന്നെഴുന്നേറ്റ്‌,
വേച്ചു വേച്ച്‌ തിരിഞ്ഞു നടന്നു.

പിന്നെ ചിന്തകളെ പെറുക്കിയെടുത്ത്‌
വഞ്ചിയിലേറ്റി,
മനസ്സ്‌ കൊണ്ട്‌ തുഴഞ്ഞു ..തുഴഞ്ഞ്‌..!

2 അഭിപ്രായങ്ങൾ: