ഒരിക്കൽ ആത്മാവു ചോദിച്ചു
"ഞാൻ ഊരിവെച്ച എന്റെ കുപ്പായം എവിടെ?
മോശമായെന്നു നിങ്ങൾ പറയുന്ന എന്റെ കുപ്പായമെവിടെ..?
കീറിപ്പറിഞ്ഞാലും അതെടുത്തിട്ട് എനിക്ക് വിലസണം..!
ചുക്കിച്ചുളിഞ്ഞാലും അതെടുത്തിട്ട് നടക്കണം!
എന്നെ തിരിച്ചറിയാൻ എനിക്കു കുപ്പായം തരൂ..
എനിക്കു സം സാരിക്കാൻ എന്റെ കുപ്പായം തരൂ
എനിക്ക് ഭൂമിയിലൂടെ നടക്കാൻ എനിക്കെന്റെ ഉടുതുണി തരൂ...."
കേട്ടവർ വിലാപത്തിന് സമാധാനമുണ്ടാക്കി..
ചോദ്യത്തിന് ഉത്തരവും!!
ഒരു കൂട്ടർ പറഞ്ഞു.....
"അതെടുത്ത് കത്തിച്ചു..
മുഷിഞ്ഞു നാറാൻ വെക്കാൻ ഞങ്ങൾക്കാവില്ലല്ലോ..?"
മറുകൂട്ടർ പറഞ്ഞു...
"അതെടുത്തു മണ്ണിനു വളമാക്കി..
വെറുതെ കളയേണ്ടല്ലോ..?"
വേറൊരു കൂട്ടർ പറഞ്ഞു
"മെഡിക്കൽ സ്റ്റുഡ്ൻസിന്റെ കളിതമാശയ്ക്ക് ഞങ്ങൾ ദാനം ചെയ്തു...
അവർ കളിച്ചു ല്ലസിക്കട്ടേ!!...കീറി രസിക്കട്ടെ..
എങ്കിലേ പുതിയകുപ്പായം കീറി തുന്നിക്കെട്ടി പഴയതാക്കാൻ പറ്റൂ.."
ഒടുവിൽ ആത്മാവ് പരിതപിച്ചു...
വസ്ത്രമില്ലാതെ ഉഴറി നടന്നു
പുതിയൊരു വസ്ത്രം കിട്ടുന്നതും കാത്ത്....!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ