പേജുകള്‍‌

തിങ്കളാഴ്‌ച, നവംബർ 09, 2009

ആരാന്റെ ഡയറിയിൽ നിന്ന്

ഒരു രസത്തിനാണ് ഞാൻ അവന്റെ ഡയറി എടുത്ത്‌ വായിച്ചത്‌...ആരാന്റെ ഡയറി വായിക്കരുതെന്നാണ് പ്രമാണം. അതിനാൽ സുക്ഷിച്ച്‌ ആരും ഇല്ല എന്നു ഉറപ്പ്‌ വരുത്തി.. .ശ്രീ വിഘ്നേശ്വരനെ സ്തുതിച്ചു...ഇടയ്ക്‌ തടസ്സം നേരിടരുതല്ലോ?..

.. ഞാൻ അവന്റെ ഡയറി മെല്ലെ എടുത്തു....എന്റെ കൈ വിറക്കുന്നുണ്ടായിരുന്നു... അവൻ വന്നാൽ എന്നെ തല്ലികൊല്ലും..ഞാനാണത്രെ അവന്റെ രഹസ്യങ്ങൾ പാട്ടാക്കി നടക്കുന്നത്‌...? മഹാപാപി അതല്ല പലതും പറയും...ഞാൻ ആരുടേയും രഹസ്യങ്ങൾ പാട്ടാക്കി നടക്കാറില്ല....ആരും കാണാതെ... ഒന്നും മിണ്ടാതെ ബ്ലോഗിലിടും...സത്യം!!..; എന്നിട്ടും.....അത്‌ പാട്ടാകും... പാണന്റെ കൈയ്യിൽ ഉടുക്കു കിട്ടിയ പോലെ എന്റെ ഫ്രൻഡ്സ്‌ ആയ ബ്ലോഗന്മാർ പാടി നടക്കും..ഓരോ തോന്ന്യാസങ്ങള്‌....... ഞാൻ നിരപരാധി...!!

ഡയറി മെല്ലേ തുറന്നു....

.. അതിൽ അവൻ ഇങ്ങനെ എഴുതി "... എനിക്ക്‌ ഡിഗ്രി,പി.ജി, എം.ബി.എ. എന്നിവയുണ്ട്‌...ഡോക്ടറേറ്റും ഉണ്ട്‌..."

"പിന്നേ.... മണ്ണു ലോറിയിൽ കയറി ലെഫ്റ്റ്‌, റൈറ്റ്‌ എന്ന് പറയുന്നവനാ കക്ഷി... ഞാൻ മനസ്സിൽ കരുതി...തുടർന്ന് വായിച്ചു.....

"ഒരുപാട്‌ കഷ്ടങ്ങളും , ദുഃഖങ്ങളും അനുഭവിച്ചിട്ടുണ്ട്‌...അതാണ്‌ എന്റെ ഡിഗ്രി!"

"ശരിയാ..ഒരുപാട്‌ കഷ്ടങ്ങൾ അനുഭവിച്ചിട്ടുണ്ട്‌... ജാനുചേച്ചിയുടേ കുളിമുറിയുടെ ജനലിലൂടെ ഒളിഞ്ഞു നോക്കിയ കഥ എനിക്കറിയാം.." ആരടാ അത്‌ എന്ന അവരുടെ ചോദ്യത്തിനു "ഞാനും രമേശനും" എന്ന് വിളിച്ചുപറഞ്ഞ്‌ ജീവനും കൊണ്ട്‌ ഓടിയത്‌ മറക്കാനാവില്ലല്ലോ?

"ഒരുപാട്‌ തെറ്റുകൾ ചെയ്തു എന്നുള്ളതാണ്‌ എന്റെ പി.ജി..അടിയോ തെറിവിളിയോ കിട്ടാതെ ഇത്രെയും കാലം പിടിച്ചു നിന്നു എന്നുള്ളതാണ്‌ എന്റെ എം. ബി. എ...

"ഓഹോ...?? ഭയങ്കരം ഭയങ്കരം!!" മനസ്സിൽ കരുതി..

"എല്ലാതെറ്റുകളും തിരുത്തി എന്നുള്ളതാണ്‌ എന്റെ ഡോക്ടറേറ്റ്‌...ഇതൊന്നും ഞാൻ എന്റെ പ്രോഫൈലിൽ വെക്കാറില്ല... ഇതൊന്നും കിട്ടിയതിൽ ഞാൻ അഹങ്കരിക്കുന്നവ്യക്തിയേ അല്ല"

"പാവം...!!"

അടുത്ത പേജ്‌ തുറന്നു...

നവമ്പർ 05,
ഇന്നലെ ദൗർബാഗ്യത്തിന്റെ ദിവസമായിരുന്നു... രാവിലെ നേരത്തെ എഴുന്നേറ്റു.. മറ്റു പണിയൊന്നും ഇല്ലാത്തതിനാൽ കുളിച്ചു കുറിതൊട്ടു കവലയിൽ പോയി...ഉച്ചവരെ കാത്തുനിന്നു അവൾ വന്നില്ല...അവളെ കിട്ടും എന്നു കരുതി അവളുടെ വീട്ടിൽപോയി... അവൾ ബന്ധുവീട്ടിൽ പോയത്രെ!...ദുഷ്ടത്തി...ഒന്നും പറഞ്ഞില്ല...രാത്രി വരെ കാത്തു നിന്നു നിരാശനായി തിരിച്ചു വീട്ടിൽ വന്നു ജനഗണമന പാടി.. ഉറങ്ങി...

എനിക്കു വേറെ പണിയൊന്നും ഇല്ലാഞ്ഞിട്ട്‌ വായിക്കുന്നതാ.. ഒരു രസത്തിന്‌.......

ഛേ.. ഛേ..നിങ്ങൾക്കൊന്നും വേറെ ഒരുപണിയും ഇല്ലേ... മോശമല്ലേ.. ഒരുനാണവും ഇല്ലല്ലോ ആരാന്റെ ഡയറി വായിക്കുന്നത്‌ കേട്ടു സുഖിക്കാൻ??. എന്നിട്ട്‌ വേണം അവന്റെ വായിലിരിക്കുന്നത്‌ മുഴുവൻ ഞാൻ കേൾക്കാൻ!!.. എന്തിനും ഒരതിരില്ലേ. അതിനാൽ ഞാൻ അടുത്ത താളുകൾ മനസ്സിലേ വായിക്കൂ...അങ്ങിനെ സുഖിക്കണ്ടാ...!!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ