പേജുകള്‍‌

ബുധനാഴ്‌ച, ജൂൺ 01, 2011

ശുഭയോഗം!

ഡും..ഡും..ഡും... പുറത്തൊരു മുട്ട്‌!
വാതിൽ തുറന്നു..
നമ്മളെ പുള്ളിക്ക്‌ അത്ര പിടിച്ചിരിക്കില്ല...മൈക്രോസ്കോപ്പിലൂടെ നോക്കുന്നതു പോലെ എന്നെ നോക്കി കനപ്പെട്ട ഒരു ചോദ്യം!
"ആളില്ലേ?" ആളായ ഞാൻ പയറു പോലെ നിൽക്കുമ്പോൾ വല്യ ആളായിക്കൊണ്ട്‌ അകത്തേക്ക്‌ ഒളിഞ്ഞ്‌ നോക്കിക്കൊണ്ട്‌ അവന്റെ ചോദ്യം! .......
.........
ഫ!... എന്നാട്ടും മുമ്പെ അവൻ പറഞ്ഞു.".... സോറി.. ഇവിടെ പണ്ട്‌ താമസിച്ചിരുന്നവർ?."
.. ".. ഇപ്പോൾ ഞങ്ങളാ ഇവിടെ.. എന്താ?"
... അവരെവിടെയെന്നറിയോ?...."..
"ആ എനിക്കറിയില്ല.. ഞാനും എന്റെ കൂട്ടുകാരും ഫ്ലാറ്റന്വേഷിച്ച്‌ നടന്നു.. ഇവിടം കാലിയാണെന്നറിഞ്ഞു.. ഇതെടുത്തു അത്രെന്നെ...!"
"നിങ്ങളാരാ? .."
അവൻ ഇളിഭ്യ ചിരി ചിരിച്ച്‌ വല്യ ഉത്തരമൊന്നും പറയാതെ നടന്നു മറഞ്ഞു....
"ആരാ വാതിലിനു മുട്ടിയത്‌..?"
വെള്ളിയാഴ്ചയായതിനാൽ മൂടിപ്പുതച്ചു ചുരുണ്ടു കൂടിക്കിടക്കുന്ന ഒരു റൂമേറിയന്റെ ചോദ്യം!
കിടക്കുമ്പോൾ എലിയെ പോലെയേ ഉള്ളൂ ..ചോദ്യം ചെയ്യുമ്പോഴുള്ള ഭാവം കണ്ടാൽ തോന്നും സിംഗമാണെന്ന്.... ന്നാലോ ആരാണെന്ന് എഴുന്നേറ്റ്‌ നോക്കില്ല.. ..ഉത്തരം കൂടെ കേൾക്കാൻ മിനക്കെടാതെ ആ ബഹുകേമൻ ഉച്ചയ്ക്ക്‌ പന്ത്രണ്ടു മണി വരെ ചുരുണ്ടു കൂടിക്കിടക്കാമെന്ന ഭാവേണ മറുവശത്തേക്ക്‌ മറിഞ്ഞു!

കാണാൻ കൊള്ളാവുന്ന, മനസ്സിനു ദഹിക്കുന്ന പരിപാടി ഉണ്ടായിട്ടല്ല പാവം ചാനലുകാർ കഷ്ടപ്പെട്ട്‌ എടുത്ത ഏതോ വമ്പത്തിയുടെ അഭിമുഖം!

...ഗാന്ധിജി കഴിഞ്ഞാൽ ലോകം മുഴുവൻ അറിയുന്ന ഏക ആൾ അതിയാത്തിയാണെന്നാണ്‌ ആ മഹതിയുടെ മട്ടും ഭാവവും.!. എന്നിട്ടും ഈ കുഴഞ്ഞാടുന്ന ഞാഞ്ഞൂലിനെ എനിക്കുമാത്രം അറിയില്ലല്ലോ എന്നോർത്ത്‌ സങ്കടപ്പെട്ടു... സിനിമയിൽ ഏതെങ്കിലും ആൾക്ക്‌ ചോറു വെച്ചു കൊടുത്തോളായിരിക്കും.."  കുറെ കാലം കണ്ടതല്ല്ലേ തന്റെ തനി സ്വരൂപം.!.. നാട്ടുകാരും ഇനി കണ്ടോട്ടേ എന്ന് കരുതി അടുക്കളേൽ കറി ചൂടായാൽ വാങ്ങി വെക്കാനുപയോഗിക്കുന്ന കഷ്ണം തുണി പുതയ്ക്കാൻ എറിഞ്ഞു കൊടുത്ത്‌ സിനിമേൽ പിടിച്ചു കയറ്റി ഏതോ സംവിധായകൻ ഒപ്പിച്ച പണിയായിരിക്കണം! ... അപ്പോഴേക്കും കൊമ്പത്തെത്തി ഇരിപ്പുറപ്പിച്ചു...അല്ലെങ്കിൽ ഇത്ര ജാഢകാണില്ല! . പോട്ടെ .. അവർക്കും ജീവിക്കേണ്ടേ.!..നമ്മളായിട്ട്‌ കഞ്ഞിയിൽ പയറിട്ടു, തോരനിട്ടു എന്നൊക്കെ പറഞ്ഞ്‌ നിലവിളിക്കേണ്ട!
......വേറൊരു ചാനലിൽ വസൂരി വന്നു ചളുങ്ങിയ മുഖം.. അഭിമുഖം!..ചിലേടത്ത്‌ വൗ കാരുടെ പരസ്യം..എല്ലാ ചാനലുകാരും കരുതിക്കൂട്ടി ഇറങ്ങിയിരിക്കുകയാണ്‌.... രാവിലെ അതൊക്കെ കണ്ട്‌ പനിപിടിക്കുന്നതിലും ഭേദം ഇതു തന്നെ എന്നു കരുതി.....ഇതൊക്കെ കാണിക്കുന്ന ചാനലുകാരെ പിണക്കേണ്ടെന്ന് കരുതി പിന്നെം വന്ന് കസേരയിൽ ആസനസ്ഥനായി..
പിന്നെം മുട്ട്‌... ഡും.ഡും..ഡും..!
നേരത്തെ വന്ന ആ മരത്തലയനായിരിക്കും അവന്റെ തല ഇപ്പോ തല്ലി പൊളിക്കും എന്ന് വിചാരിച്ചു വാതിൽ തുറന്നു!
ഒടിഞ്ഞു കുത്തിയ മറ്റൊരു ശവം!...ചോദ്യം പഴേത്‌!
"ആളില്ലേ?.."
" എന്താ വേണ്ടത്‌?"- എനിക്ക്‌ കലിവന്നു..
" സോറി.. മുൻപ്‌ താമസിച്ചിരുന്ന...."
അവനെ വിസ്തരിച്ച്‌ ചോദ്യം ചെയ്തു... പിന്നെയാണ്‌ മനസ്സിലായത്‌ ആ ഫ്ലാറ്റ്‌ മുൻപ്‌ ഏതോ വല്ല്യ പേരുള്ള മാന്യ വനിതകൾ താമസിച്ചിരുന്നതായിരുന്നത്രെ.. അവരെ തേടി പാവം മലയാളികൾ വിഷമിച്ച്‌,... ടാക്സി പിടിച്ച്‌...രാവിലെതന്നെ കുശലാന്വേഷണത്തിന്‌ ഇറങ്ങിയതാണ്‌.. .. പച്ച പാവങ്ങൾ!
"...ഇനിയും കുശലാന്വേഷണക്കാരു വരും.. പല ദേശക്കാർ, പല രാജ്യക്കാർ, പല ഭാവക്കാർ...!."

ചുരുണ്ട്‌ അട്ടയെ പോലെ അള്ളിപ്പിടിച്ചു കിടക്കുന്ന അവനെ ഉണർത്തി.. സംഭവം പറഞ്ഞു...
..".. ജോണേ.. ഇങ്ങെനെയായാൽ നിന്നെ പിടിച്ച്‌ സാരി ചുറ്റിച്ചിരുത്തി, പുറത്ത്‌ ഒരു കസേരയിട്ട്‌ ഇരുന്ന്... പൈസ എണ്ണിയെണ്ണി, വല്യ പണക്കാരനായി ഞാൻ ഒരു പരുവമാകുമല്ലോ?"
" അതെന്താ എനിക്ക്‌ പൈസ എണ്ണാനറിയില്ലേ?" അവൻ ഉറക്കച്ചടവിലെ കലിപ്പോടെ പറഞ്ഞു..
മനുഷ്യന്മാരൊക്കെ മാറിപ്പോയി.. ഒരു തമാശ പറയാൻ പറ്റില്ലാത്ത വിധം ഉയരത്തിൽ പന പോലെ വളർന്നു..ഞാനിപ്പോഴും പഴയ ബെഞ്ചിൽ..!
"ഫ്ലാറ്റിന്റെ പൈസ കൂട്ടിയപ്പോൾ പിടിച്ചു നിൽക്കാൻ കഴിയാതെ...പെട്ടിയും ചട്ടിയുമെടുത്ത്‌ ഇവിടുത്തേക്ക്‌ മാറിയിട്ട്‌ ഒരു മാസമേ ആയുള്ളു !.... ഇനി ഇവിടെ നിൽക്കേണ്ട!"-- തീരുമാനം ഏക കണ്ഠമായിരുന്നു.!...
ഓരോ യോഗം !..ഒരു പ്രവാസിക്കും ഇതു പോലെ ഒരു യോഗം ഉണ്ടാകാതിരിക്കട്ടെ എന്ന് പ്രാർത്ഥിച്ച്‌..!
സ്വതവേ സുഖിയാനായിരുന്ന അവനെ ഒന്നു വിയർപ്പിച്ചേക്കാമെന്ന് കരുതി അവനെയും കൂട്ടി ഫ്ലാറ്റു തപ്പി നടന്നു...സുഖിയാന്മാർ എന്നും സുഖിയാന്മാർ തന്നെ! ..പിത്തം ഉരുക്കാൻ അവനെ കുറേ നടത്തണം എന്ന് എന്റെ മനസ്സു പറഞ്ഞു.. പക്ഷെ അതുണ്ടായില്ല...!. യോഗഭാഗ്യത്തിന്‌  പെട്ടെന്ന് തന്നെ കിട്ടി  മറ്റൊരു നല്ല ഫ്ലാറ്റ്‌!....അന്നു തന്നെ നമ്മൾ പെട്ടിയും ചട്ടിയും തലയിൽ വെച്ച്‌ അവിടുത്തേക്ക്‌ മാറി!..

2 അഭിപ്രായങ്ങൾ:

  1. കിട്ടിയ ഫ്ലാറ്റു പുതിയതാണോ....? അല്ലെങ്കിൽ ഇനിയും ഡും..ഡും..ഡും...
    ഉണ്ടാകുമേ...........................

    മറുപടിഇല്ലാതാക്കൂ
  2. വായനയ്ക്ക്‌ നന്ദി...ponmalakkaran | പൊന്മളക്കാരന്‍

    മറുപടിഇല്ലാതാക്കൂ