2014

പുതു വർഷമാണത്രെ,
വിശ്വസിക്കാനാകുന്നില്ല..!

ചക്രവാളത്തിന്റെ

ചുവപ്പു പരവതാനിയിൽ,

നെറ്റിയിൽ സിന്ദൂരമണിഞ്ഞ്,

പ്രതീക്ഷകളുടെ വരവ്.!

കാത്തിരിക്കുന്നവർ, 

കുരവയിടുന്നു,
ആർപ്പു വിളിക്കുന്നു.

കുത്തി നോവിക്കലിന്റെയും

പരിഹാസത്തിന്റേയും
ചീന്തുകൾ,

പെയ്തൊഴിഞ്ഞു പോയ കുറ്റങ്ങളും,
കുറവുകളും.

മനസ്സിലിട്ടടക്കി ,

വിങ്ങലിലായവർ.

ചത്തു പോയ വർഷത്തിന്റെ,

മഞ്ചൽ പേറിയോർ,
ശവമടക്കു കഴിഞ്ഞു തിരിച്ചെത്തും,
പിന്നെയൊന്നവരും ആർപ്പു വിളിക്കും,
ഒരു യുഗത്തിന്റെ പുത്തനുണർവ്
ആവാഹിക്കുവാൻ,..!

കണ്ണീരിന്റെ നനവ്
ചുണ്ടിന്റെ വിതുമ്പൽ,
ഒക്കെ തുടച്ചെറിഞ്ഞുള്ള പുതിയൊരു വർഷം,
ആ പാൽ പുഞ്ചിരിയുണ്ടാകട്ടേ,
നിങ്ങൾക്കുമെനിക്കും!