രാജയോഗം ഉണ്ടാകുന്നത്‌...

അധികാരിക്ക്‌ മക്കൾ രണ്ട്‌,
ഒരാണും ഒരു പെണ്ണും!
ആനപ്പുറത്തിരുന്ന തഴമ്പ്‌,
പകർന്നു കിട്ടിയ സുകൃതം!

പെറ്റിട്ടത്‌ രാഷ്ട്രീയ മണിചെയ്നിൽ!
ആളെ ചേർത്തോ,
ക്ലാസ്സെടുത്തോ,
അധികാര കസേരയിലിരുന്നോ,
ജീവിക്കാം!
കൽപിച്ചോ,
കബളിപ്പിച്ചോ,
ലാളിച്ചോ,
പുറത്തു തട്ടി പ്രോൽസാഹിപ്പിച്ചോ,
മീശ പിരിച്ചു നടക്കാം!

യോഗമില്ലാത്ത കീഴാളർക്ക്‌
കൊടിയേന്താം,
ജയ്‌ വിളിക്കാം!
യോഗമുണ്ടെങ്കിൽ ആനപ്പുറത്തിരിക്കാം
ഇല്ലെങ്കിൽ ഡൗൺ ലൈൻ കഴുതകളെ
പുറത്തേറ്റാം!
അവർക്ക്‌ ജയ്‌ വിളിക്കാം!

ഇംഗ്ലീഷു ജൂസാക്കി കുടിച്ച,
ഏമാന്മാർ പറയുമ്പോലെ
"വെരി സിമ്പിൾ!
ബട്ട്‌ ഡിഫിക്കൽറ്റ്‌ ടു എക്സ്പ്ലെയിൻ!"