റോബോട്ടുകളോട്‌..

മനനം ചെയ്യും റോബോട്ടുകളെ,
തളരുമ്പോഴൊന്നുണർത്തീടണമേ,
പഴകിയ ഈരടി പാടിതെളിയാൻ
തലച്ചോറിൽ സ്മൃതി വെച്ചീടണമേ!

എന്റെ കണക്കുകൾ നിന്റെ ഹൃദിസ്ഥ്വ ചിറകുകളിൽ,
പതുങ്ങിയിരിക്കെ,
പ്രവർത്തിപഥങ്ങളെ ആറാമിന്ദ്രിയം ഒപ്പിയെടുത്ത,
പ്രതാപം കാൺകെ,
നിന്റെയുഗത്തിൽ എന്റെ മികത്വക്കുറവുകൾ
കണ്ടു ഭയന്നു വിറക്കേ,
നിന്റെ പുരോഗതി എന്റെ ഉദര പിഴവുകൾ,
കണ്ടു ചിരിച്ചു രസിക്കേ,

കീറച്ചാക്കിൽ മാനമൊതുക്കിയ
ഒട്ടിയൊരലുമിനിയപ്പാത്രംപോൽ,
മരവിച്ചൊന്നു ചുരുണ്ടു കിടന്നു.
ഒട്ടിയ വയറിൽ കഞ്ഞികൊടുക്കാൻ അൽപം
ദയ നീ കാട്ടീടണമേ!
അലറി വിളിക്കും വായ്ക്കൊന്നിത്തിരി അന്നമെറിഞ്ഞു,
കൊടുത്തീടണമേ!